Ироқ расмийлари Башар ал-Ассад режими қулаши арафасида мамлакатда бошпана топган 1905 нафар суриялик аскар ватанига қайтарилганини эълон қилди. Ироқ Мудофаа вазирлиги маълумотларига кўра, ҳарбийларнинг қуроллари вақтинча Ироқ расмийлари қўлида қолган ва у тузилганидан кейин Суриянинг янги ҳукуматига ўтказилади.
Ироқ ахборот агентлиги томонидан эълон қилинган баёнотга кўра, ватанига қайтарилганлар орасида ал-Букамал чегара пунктида жойлашган офицерлар ва кичик офицерлар ҳам бор. Ҳарбийлар Сурияда рўй бераётган тезкор воқеалар туфайли 7 декабрь куни Ироқдан бошпана сўраган.
«7 декабрь куни суриялик ҳарбий хизматчилар, жумладан, ал-Букамал пости зобитлари, аскарлари ва чегарачилари Суриядаги сўнгги воқеалар туфайли ҳимоя сўраб Ироққа киришди», — дейилади баёнотда.
Ироқ ҳарбийлари уларга расмий рухсат олганидан кейин гуманитар сабабларга кўра чегарани кесиб ўтишга рухсат берган.
Қарийб 25 йилдан бери ҳокимиятда бўлган Башар ал-Ассад режими 8 декабрь куни мухолифат Дамашқни назоратга олганидан сўнг қулади. Асаднинг ўзи Россиядан бошпана олиб, мамлакатни тарк этган.
Келажакда Россия янги ҳудудларни босиб олади
Сурияликлар пул тўла қоплар билан банкларга бостириб киришмоқда
Суриянинг янги раҳбари Исроилга сигнал юбормоқда
