Apple компанияси бугун iPhone 18 Pro ва iPhone 18 Pro Max смартфонларини сотувга чиқарди. Берлин, Сидней, Бангкок, Пекин ва бошқа шаҳарлардаги фирма дўконлари олдида эрталабдан навбатлар пайдо бўлди. Берлиндаги Курфюрстендаммда жойлашган Apple Store олдида айрим харидорлар чоршанба куниёқ — савдо бошланишидан икки кун олдин жой эгаллашган.
Германияда 256 ГБ хотирага эга iPhone 18 Pro нархи 1449 евродан, Pro Max эса 1599 евродан бошланади.
Асосий янгиликлар — янги A20 Pro процессори, аккумулятор қувватининг узоқроқ сақланиши ҳамда iPhone тарихида илк бор қўлланилган ўзгарувчан диафрагмали 48 мегапикселли асосий камера.
Европадан ташқарида ҳам смартфонларга қизиқиш юқори. Австралияда харидорлар дўконлар очилишидан бир неча соат олдин навбатга туришни бошлаган. АҚШда эса расмий савдо бошланишидан олдинроқ Pro ва Pro Max’нинг айрим версиялари учун етказиб бериш муддати сентябрь охири ва октябрга сурилган.
Россияда бир ҳафта ичида касалланганлар сони қарийб 1 миллионга етди
10 йилдан бери қидирувда бўлган ўзбекистонлик ИШИДчи, «Чойхона» раҳбари АҚШга экстрадиция қилинди
Нетаняху нутқи пайтида зални тарк этган давлатлар рўйхати
