Фаластин ва Иорданияни боғловчи Қирол Ҳусайн кўпригида қуролли ҳодиса юз берди. Иорданиялик юк машинаси ҳайдовчиси Исроил хавфсизлик кучларига қарата ўт очди, натижада уч исроиллик чегарачи ҳалок бўлди.
Исроил ҳарбийларига кўра, ҳужумчи юк машинасида Иорданиядан келган, машинадан тушиб, отишма бошлаган. Исроил кучлари жавобан ўқ узган ва отишмачини ўлдирган.
Ҳодиса оқибатида Исроил ҳукумати чегара пунктини ёпди. Фаластин чегаралари ва ўтиш жойлари бошқармаси бош директори Натми Муҳаннанинг айтишича, кўприкда ҳаракат бутунлай тўхтаган. Ўтиш жойининг фаолиятини қайта тиклаш муддати ҳали аниқланмаган.
Исроил кучлари Иордания-Фаластин чегараси яқинидаги Ерихо шаҳрининг шарқий кираверишдаги ҳарбий назорат пунктида назоратни кучайтирди.
Қирол Ҳусайн кўприги Амман ва Қуддус ўртасида, Ўлик денгиз шимолида, тахминан ярмида жойлашган ва Ғарбий Соҳил ва Иордания ўртасидаги муҳим чегара ўтиш жойидир.
Ўзбекистонга яна қорли совуқ ҳаво кириб келмоқда
Пропан нархи тушишда давом этмоқда, бензин эса....
Саудия Арабистони хазина топди, нефть конларида «оқ олтин» аниқланди
