Илон Маск OpenAI ва Microsoft'га қарши суд даъвоси киритди

Илон Маск OpenAI ва Microsoft'дан 134 млрд долларгача компенсация талаб қилмоқда — Bloomberg.

Илон Маск OpenAI ва Microsoft'га қарши суд даъвоси киритди. Унга кўра, OpenAI нотижорат мақомидан воз кечиб, Microsoft билан яқин ҳамкорликни йўлга қўйиш орқали уни алдаган.

Маск ОpenAI'нинг ҳаммуассиси ва дастлабки инвесторларидан бири бўлганини таъкидлаб, компаниянинг ҳозирда, тахминан 500 млрд долларга баҳоланаётган қийматидан улуш олишга ҳақли эканини билдирган.

"Суд OpenAI ва Microsoft'нинг ишни дастлабки босқичдаёқ ёпиш ҳақидаги илтимосини рад этди. Ушбу иш бўйича ҳайъат иштирокидаги суд жараёни 2026 йил апрелига белгиланган", дея ёзмоқда Bloomberg.

OpenAI эса Маск томонидан илгари сурилган айбловларни инкор этиб, судда ўз позициясини ҳимоя қилишга тайёр эканини маълум қилган.