Илон Маск 17 апрел куни янги XChat мессенжерини ишга туширмоқчи

X компанияси iOS учун алоҳида XChat иловасини ишга туширишга тайёргарлик кўрмоқда. XChat иловаси фойдаланувчиларга шахсий ва гуруҳ чатларини, шунингдек, аудио ва видеоқўнғироқларни таклиф этади.

Эълон қилинган асосий функциялар:
X (Twitter) билан интеграция;
Ёзишмаларнинг шифрланиши (end-to-end encryption);
Файлларни юбориш имконияти;
Хабарларни таҳрирлаш ва ўчириш;
Скриншотлардан ҳимоя қилиш тизими.

Алоҳида таъкидланишича, иловада реклама бўлмайди, бу эса WhatsApp ва Telegram каби рақобатчилар фонида муҳим устунликка айланиши мумкин.

XChat-нинг биринчи версияси iOS тизими учун чиқарилади, Android учун ишга туширилиши ҳақида ҳозирча маълумот йўқ.