"Илҳом" театри ёнғиндан кейин ўз фаолиятини давом эттирмоқда. Биринчи спектакль 25 январь куни бошланади, деб хабар беради Podrobno.uz.
Эслатиб ўтамиз, театр биносидаги ёнғин 12 декабрь куни эрталаб соат 3:30 атрофида содир бўлган. Ёнғин натижасида бинонинг биринчи қаватидаги театр залининг 80 квадрат метр майдони ёниб зарар кўрган. Қурбонлар йўқ. Фавқулодда вазиятлар вазирлиги ёнғинга қисқа туташув сабаб бўлганини маълум қилган, туташув эса электр симларининг эскирганлиги сабабли юзага келганлиги айтилганди.
Бугун, 13 январь куни “Илҳом” театр кассаси одатдагидек иш бошлаганини маълум қилди. Декабрь ойида чипта сотиб олган ҳар бир киши уларни январь ва февраль ойларида спектаклларга алмаштириши мумкин. 16 январдан электрон чипталарни ўтказиш учун аризалар қабул қилинади.
Январ ойида театр олтита, февралда эса 22 та спектакл намойиш этади.
