АҚШ ва Эрон ўртасида Ҳурмуз бўғозининг мақоми бўйича келишув мавжуд эмаслигига қарамай, мазкур денгиз йўлаги орқали хом нефть ташиш давом этмоқда.
CNN нашри Marisks таҳлилчилари маълумотларига таяниб хабар беришича, Ҳурмуз бўғози орқали ҳар куни тахминан 3–5 миллион баррел нефть ўтмоқда.
«Барча мавжуд қийинчиликларга қарамай, Ҳурмуз бўғози орқали ҳаракат фаоллигича қолмоқда», — дея таъкидлаган компания таҳлилчилари. Уларнинг қўшимча қилишича, кунлик ташилаётган нефть ҳажми денгиз йўлаги ҳали тўлиқ блокланмаганидан далолат беради.
Ҳурмуз бўғози орқали нефть ташиш февраль ойи охирида, АҚШ ва Исроил Эронга қарши ҳарбий операция бошлаганидан сўнг кескин қисқарган. Бўғознинг энг тор қисми Эрон назоратида ҳисобланади.
Ҳарбий амалиётлар бошланишидан аввал дунёдаги нефть таъминотининг қарийб 20 фоизи Ҳурмуз бўғози орқали ўтар эди. Кейинчалик бу ҳажм бир неча баробар камайди ва нефть нархи бир баррели учун 100 доллардан ошиб кетди.
АҚШ ва Эрон ўртасидаги қисқа муддатли сулҳ даврида бўғоз орқали кемалар ҳаракати қисқа вақтга тикланган эди. Ҳозир эса денгиз йўлаги орқали ўтиш амалда яна чекланган.
Эрон ва Уммон айни пайтда бўғоз орқали кемалар ҳаракатини тартибга солиш бўйича келишув устида ишламоқда.
Bloomberg хабар беришича, бундай келишув АҚШ ва Эрон ўртасида тинчлик музокараларини қайта бошлаш учун йўл очиши мумкин.
Саудия Арабистони валиаҳд шаҳзодаси Трампни Эронга қарши бошқа ҳужумлар уюштирмасликка чақирди
Хитой электромобиллари омборларда тўпланиб қолмоқда
Флоренцияда “биринчи Cоcа-Cola” рецепти топилди
