Енгил ва юк машинасининг тўқнашуви натижасида камида 8 киши, жумладан бир бола ҳалок бўлган. “Репорт” NDTV телеканалига таяниб, воқеа якшанбага ўтар кечаси Уттар-Прадеш штатининг Барейли-Наинитал трассасида содир бўлганини хабар қилди.
Полиция маълумотларига кўра, қариндошининг тўйига кетаётган етти нафар катталар ва бир болани олиб кетаётган автомобил йўлнинг қарама-қарши томонига чиқиб, юк машинаси билан тўқнашиб кетган. Натижада автомобил ёниб кетган, тўқнашув натижасида эшиклар очилмайдиган аҳволга тушган, уларни очиш ва одамларни қутқариб қолишнинг имкони бўлмаган.
Юк машинаси ҳайдовчиси жароҳатланган.
Ҳозирда ҳолат юзасидан суриштирув ишлари олиб борилмоқда.
