Ҳиндистон ҳуқуқ-тартибот идоралари сохта крикет лигасини яратиб, сохта ўйинлар натижаларига гаровларни қабул қилган бир гуруҳ фирибгарларни қўлга олди, деб хабар бермоқда India Today нашри.
Лига россияликлар учун яратилди, улар пул тикиш учун Телеграмда махсус канал очишди. Тикишда Москва, Воронеж ва Твер аҳолиси иштирок этди.
Лиганинг "ўйинлари" You Tube каналида намойиш этилди, бунинг учун ташкилотчилар кичик қишлоқлардан бирида фермани тозалаб, крикет майдони қурдилар. Ушбу қишлоқ аҳолиси пул эвазига ўйинчи сифатида ҳаракат қилишди ва трансляция пайтида ҳиссий фон Интернетдан юклаб олинган оломон шовқини билан қўллаб-қувватланди, дейилади хабарда.
Турнир чорак финал босқичига етиб келганида полиция фирибгарларни қўлга олди. Ҳозиргача тўрт киши ҳибсга олинган. Россияда бўлганида жараённи мувофиқлаштирган ташкилотчи қидирилмоқда.
