Кунига 400 минг одам вирус юқтиряпти, жами юқтирганлар расман 20 миллионга яқинлашиб қолди.
Ҳиндистонда коронавирус тарқалиш тезлиги пасаймаяпти. Расмий статистикага кўра, ҳозиргача 20 млнга яқин коронавирус ҳолати қайд этилган. Бироқ ҳолат бундан 10 баравар ёмонроқ бўлиши мумкин. Бир кун ичида 3,7 мингга яқин одам вафот этган.
Мамлакатда вазият оғир бўлса-да, иқтисод тўхтаб қолмаслиги учун миллий карантин эълон қилинмаган, лекин ҳудудлар ўзлари учун карантин чекловларини жорий қилган.
Ҳиндистонга ёрдам сифатида турли давлатлардан тиббий ёрдамлар жўнатилмоқда. Хусусан, Ўзбекистон ҳам инсонпарварлик ёрдами юборди.
