Kuniga 400 ming odam virus yuqtiryapti, jami yuqtirganlar rasman 20 millionga yaqinlashib qoldi.
Hindistonda koronavirus tarqalish tezligi pasaymayapti. Rasmiy statistikaga ko‘ra, hozirgacha 20 mlnga yaqin koronavirus holati qayd etilgan. Biroq holat bundan 10 baravar yomonroq bo‘lishi mumkin. Bir kun ichida 3,7 mingga yaqin odam vafot etgan.
Mamlakatda vaziyat og‘ir bo‘lsa-da, iqtisod to‘xtab qolmasligi uchun milliy karantin e’lon qilinmagan, lekin hududlar o‘zlari uchun karantin cheklovlarini joriy qilgan.
Hindistonga yordam sifatida turli davlatlardan tibbiy yordamlar jo‘natilmoqda. Xususan, O‘zbekiston ham insonparvarlik yordami yubordi.