Ҳиндистоннинг Керал штатида илк бор маймун чечагига топширган тести мусбат чиққан беморнинг ўлими қайд этилди, дея хабар берди Indian Express.
Ҳиндистон соғлиқни сақлаш вазири Вина Жорж 22 ёшли йигит 30 июль куни Триссурда вафот этганини ва у 22 июль куни Бирлашган Араб Амирликларидан келганини маълум қилди.
26 июль куни унинг иситмаси кўтарилиб, Триссурдаги шифохонага борди. Кейинчалик у хусусий шифохонага ўтказилди.
Соғлиқни сақлаш вазирининг айтишича, эркак чет элда бўлганида маймун чечаги билан касалланган, аммо унинг оиласи бу ҳақда касалхонага бемор вафот этган куни хабар берган.
Беморнинг ўлимидан сўнг унинг барча алоқалари кузатилди. Беморнинг ўтмишда қандай сурункали касалликлари бўлганлиги ҳали маълум эмас. Воқеа сабаблари ўрганилмоқда.
Ҳозирда Ҳиндистонда маймун чечаги касаллигининг тўртта, Кералда учта ва Деҳлида биттаси тасдиқланган.
Элатиб ўтамиз, аввалроқ Бразилия ва Испанияда маймун чечагидан 3 киши вафот этгани ҳақида хабар берган эдик.
Америкалик таниқли боксчи Баҳодир Жалолов ҳақида фикр бирдирди
ЕЧЛ. Ярим финал. "Бавария" "Реал" билан жанговар дуранг қайд этди
ЖССТ: Исроилнинг Рафаҳга ҳужуми гуманитар фалокатни янада кучайтиради
