Ҳиндистоннинг Карнатака штатида Ражагопар Наик исмли эркак рафиқаси ва қизини қутқариш учун қоплонни қўллари билан ўлдирди. Бу ҳақда «Newsflare» хабар бермоқда.
Маълум қилинишича, оила тўйдан велосипедда қайтаётганда ҳужум қилган йиртқич аёлнинг оёқларидан тишламоқчи бўлган. Натижада учаласи ҳам велосипеддан йиқилиб тушган.
Наик йиртқични хотинидан узоқлаштиришга муваффақ бўлган, кейин қоплон эркакнинг ўзига ташланган.
«У менинг устимга сакради ва қўлларим ҳамда бўйнимни тишламоқчи бўлди. Ўзимни қўлларим билан ҳимоя қилиб, уни ерга ётқиздимда тиззам билан ўлдирдим», деди эркак.
Жанг пайтида боши, қўллари ва бўйнидан жароҳатланган Наик касалхонага ётқизилган. Ўрмон ҳамжамияти вакилларининг сўзларига кўра, ўлдирилган қоплон илгари камида уч кишига ҳужум қилган.
Россия яна бир ҳарбий можарода иштирок этиши мумкин
Макрон: "Агар Россия ғалаба қозонса..."
Россия Арманистон учун қарор чиқарди
