ҲАМАС халқаро ҳамжамиятни фаластинлик маҳбусларни ҳимоя қилишга чақирди

ҲАМАС Исроил қамоқхоналарида фаластинлик маҳбусларни қийноққа солишни қоралади ва халқаро ҳамжамиятни "экстремистик сионист хунтаси томонидан уларга нисбатан амалга оширилаётган даҳшатли ҳуқуқбузарликларни тўхтатишга" чақирди.

Фаластин ташкилотининг маълум қилишича, яқинда Хеврон жанубидаги Дора шаҳридан бўлган Моатаз Абу Знеид "қийноқлар ва шафқациз чоралар" оқибатида ҳалок бўлган.

"Булар давом этаётган ҳарбий жиноятлар бўлиб, маҳбусларга оид барча халқаро қонунларни бузишдир," дейилади баёнотда. "Биз, шунингдек, халқаро инсон ҳуқуқлари ташкилотларини қамоқхоналардаги оилаларимизнинг азоб-уқубатларини ёритишга, уларнинг овозини кўтаришга ва маҳбусларни озод қилиш учун барча минбарларда босим ўтказишга чақирамиз."

***

Исроилнинг Ғазодаги Дараж туманига уюштирган ҳужумида етти фаластинлик ҳалок бўлди.

"Ал-Жазира Араб" Ғазо марказидаги Ғазо шаҳрининг шарқий қисмидаги Дараж туманида Исроил ҳаво ҳужуми натижасида етти киши ҳалок бўлгани ва бошқалар жароҳат олгани ҳақида хабар бермоқда.