Грузия бош вазири Ираклий Кобахидзенинг айтишича, президент Саломе Зурабишвили декабрь ойида ваколат муддати тугагач, ўз лавозимини тарк этиши керак. Бир кун аввал у «қонуний сайланган парламент» тузилмагунча ўз лавозимида қолиш ниятида эканлигини маълум қилганди.
Саломе Зурабишвили амалдаги парламентни ноқонуний деб ҳисоблайди. Ноябрь ойи охирида у мамлакат Конституциявий судига даъво аризаси билан мурожаат қилиб, октябрь ойидаги сайловлар кенг кўламли қонунбузарликлар билан ўтганини даъво қилиб, натижаларни бекор қилишни талаб қилган.
Зурабишвилининг президентлик муддати расман декабрь ойида тугайди. Аввалроқ ҳукмрон «Грузия орзуси» партияси Грузияда президентлик сайловлари 14 декабрда, инаугурация эса 29 декабрда ўтказилишини маълум қилган эди. Партия президентликка номзод сифатида собиқ футболчи, Россия футбол чемпиони Михаил Кавелашвилини кўрсатди.
Полша Украина можаросида Россия ғалаба қозонганини эълон қилди
Грузия Европа Иттифоқидан воз кечди
Хитойда дунёдаги энг йирик олтин кони топилди
