Гренландия Бош вазири: "Мамлакатимиз сотилмайди"

Гренландия бош вазири Йенс-Фредерик Нилсеннинг таъкидлашича, Оқ уй раҳбари ўринбосари Стивен Миллернинг рафиқаси томонидан чоп этилган орол харитаси АҚШ байроғи рангларида ҳурматсизликдан далолат беради, аммо ваҳима қилишга асос йўқ.

Сиёсатчи бу ҳақда Facebook саҳифасида ёзди.

Нилсеннинг қайд этишича, Кэти Миллер томонидан Х ижтимоий тармоғида баҳам кўрилган сурат "мутлақо ҳеч нарсани ўзгартирмайди": мамлакат сотилмайди, Гренландия келажаги эса ижтимоий тармоқдаги постлар билан белгиланмайди.

Бош вазир мамлакатлар ўртасидаги муносабатлар Гренландияликларнинг мақоми ва ҳуқуқларини эътиборсиз қолдирадиган рамзий белгиларга эмас, балки халқаро ҳуқуқ ва ҳурмат асосида қурилганини таъкидлади. "Ҳукумат ўз ишини хотиржам ва масъулият билан давом эттирмоқда, мулоқотга киришади ва мамлакат манфаатларини ҳимоя қилади, халқаро ўйин қоидаларига амал қилади", — деди Нилсен.

Унинг қўшимча қилишича, "ваҳима қўзғашга ҳеч қандай асос йўқ, лекин ҳурмат йўқлигини қатъий айтишга асос бор”.