1 декабрдан Gmail, Photos, Drive ва бошқа сервисларнинг нофаол аккаунтларини бутун дунё бўйлаб ўчириш бошланади.
Бу компания серверларида жой бўшатиш ва маълумотларнинг хавфсизлигини таъминлаш мақсадида амалга оширилади.
Сўнгги икки йилда ўз аккаунтларига кирмаганлар Google булутли сервисида сақланаётган почтаси, фотосуратлари, ҳужжатлари ва бошқа маълумотларидан маҳрум бўлишлари мумкин.
Жараён 2023 йилнинг 1 декабридан бошланиб, 2024 йилда ҳам давом эттирилади.
Эски аккаунтни сақлаб қолиш учун хат жўнатиш, фотосуратларни юклаш ва кўриш, Drive орқали файл яратилса ёки очилса кифоя.
