Ғолибаф: "Биз нефтимизни сота олмайдиган минтақада ҳеч ким нефть сотмайди"

Агар Эроннинг ўзи нефть экспорт қила олмаса, минтақадаги бошқа ҳеч кимга буни амалга оширишга рухсат бермайди.

Бу ҳақда Эроннинг бир палатали парламенти спикери Муҳаммад Бағир Ғолибаф айтиб ўтди.

"Биз нефтимизни сота олмайдиган минтақада ҳеч ким нефть сотмайди. Агар хавфсизлигимиз таъминланмаса, ҳеч қандай инфратузилма хавфсиз бўлиб қолмайди. Ҳормуз бўғозида хавфсизлик фақат Америка кучларисиз мумкин", деди у.

Ғолибаф шунингдек, АҚШ билан можаро пайтида юзага келган вазиятнинг мантиғи қуйидаги тамойилга асосланишини таъкидлади: "Ёки ҳамма, ёки ҳеч ким!"