Германия федерал прокуратураси Россия фойдасига жосуслик қилишда гумонланаётган уч нафар Украина фуқароси ҳибсга олинганини маълум қилди.
Владислав Т., Даниил Б. ва Евгений Б. шунингдек, ўт қўйиш ва портлашларни режалаштирганликда ҳам гумон қилинмоқда. Тергов материалларига кўра, 2025 йил бошида бу шахслар "эҳтимол Россия давлат тузилмалари топшириғи билан ҳаракат қилаётган" кишилар билан Германияда қўпорувчилик ҳаракатларини уюштиришга келишиб олишган.
"Гумонланувчилар Германиядан Украинага ташиш пайтида ишга тушиши мумкин бўлган портловчи ёки ёндирувчи қурилмалар солинган жўнатмаларни юборишлари керак эди," дея таъкидланган прокуратура баёнотида.
