Германияда «кокаинли пицца» сотиб келган наркогуруҳ қўлга олинди

Германиянинг Дюсселдорф шаҳрида пицца етказиб берувчилар ниқоби остида фаолият юритиб келган наркогуруҳ қўлга олинди, деб хабар беради Bild.

Қайд этилишича, гиёҳванд моддалар билан савдо қилувчи гуруҳ сохта «пиццахона» ташкил этган ва менюда 40 рақами остидаги товар энг кўп буюртма қилинган, бу — кокаинли пицца. Буюртмачилар шу орқали гиёҳванд модда етказиб берилишини яхши билган.

«Бу энг талабгир пиццалардан бири эди», — дейди полиция бошлиғи Михаэл Граф фон Молтке. Шунингдек, сотувда марихуанали «пицца» ҳам бўлган. Ҳуқуқ-тартибот идоралари ходимлари «пиццахонанинг» 36 ёшли эгасининг уйига бостириб кирган вақтида у ичида 1,6 килограмм кокаин, 400 грамм марихуана ва 268 минг евро бўлган сумкани деразадан улоқтириб юборган.

Тергов давомида гиёҳванд моддаларни етказиб бериш билан шуғулланган уч киши ва 12 нафар гумонланувчи қўлга олинган. Операцияга Шимолий Рейн-Вестфалия федерал ерларининг 150 нафар полициячиси жалб этилган. Шунингдек, иккита каннабис плантацияси ҳам топилган, гумонланувчилардан қуроллар, пул ва қимматбаҳо соатлар ашёвий далил сифатида олинган.