Умумий қора бозор қиймати 7 миллион евродан ортиқ бўлган топилмалар Шимолий Рейн-Вестфалия федерал ерининг Мёнхенгладбах, Дуйсбург ва Крефелд шаҳарларида, шунингдек, Фирзен, Хайнсберг ва Нойс округларида топилган.
Шимолий Рейн-Вестфалия федерал ерида – Мёнхенгладбах, Дуйсбург ва Крефелд шаҳарларида, шунингдек, Фирзен, Хайнсберг ва Нойс округларида жойлашган озиқ-овқат дискаунтерининг ўн бир шохобчасида банан қутиларидан пакетларда жами 95 килограмм кокаин топилди. Бу ҳақда прокуратура ва Мёнхенгладбах полицияси 23 сентябр, душанба куни хабар берди.
Ҳуқуқ-тартибот идоралари қора бозорда топилган кокаин партияси қийматини 7 миллион евродан ортиқроққа баҳоламоқда. Маълум бўлишича, наркотик солинган пакетлар бўлган банан партияси Жанубий Америкадан келган. Полиция ва прокуратура бу партия нотўғри тарзда супермаркетлар тармоғига тушиб қолган, деб ҳисоблаяпти, унинг номи идоралар қўшма пресс-релизида келтирилмаган. Кокаин контрабандаси ҳолати юзасидан тергов давом этмоқда. Ҳозирда мавжуд маълумотларга кўра, банан партияси дастлаб денгиз орқали Антверпен портига етиб келган.
Афғонистон: Биз 2 империяни йўқ қилдик, кейингиси – АҚШ
Миллионерлар кўчиб келаётган 5 та давлат
«Уруш ҳаммага таъсир қилади»
