Шу кунларда Баварияда бўлиб ўтаётган саммитга йиғилган Катта еттилик мамлакатлари етакчилари Россия даромадларини камайтиришга ҳар томонлама ёрдам беришга келишиб олдилар.
Кремлга ҳар йили 15 миллиард доллар даромад келтирувчи Россия олтинини сотиб олишга бир кун аввал киритилган эмбарго G7нинг биринчи қадамидир.
Шунингдек, G7 Ғарбдаги Россияга қарши санкциялар шартларини амалга оширишдан қочишга уринаётган сиёсий кучлар ва компанияларга қарши курашни давом эттиришга ваъда бермоқда.
Бундан ташқари, дунёнинг етакчи иқтисодлари Россиянинг асосий саноат ресурслари, хизматлари ва технологияларига киришини янада чеклаш учун мақсадли санкцияларни кенгайтириш ниятида.
