Франциянинг 34 провинциясида тўқ сариқ рангли огоҳлантириш даражаси эълон қилинди

Франциянинг 34 провинциясида сув тошқинлари ва довуллар сабабли огоҳлантириш даражаси тўқ сариқ рангга кўтарилди, деб ёзади Аnadolu.

Франция метеорология хизмати маълумотларига кўра, сешанба куни 19 провинцияда содир бўлган ёмон об-ҳаво мамлакатнинг кўплаб ҳудудларида яқин кунларда ҳам сақланиб қолади.

Сув тошқинлари ва довуллар хавфи туфайли “тўқ сариқ огоҳлантириш” даражаси эълон қилинган провинциялар сони 34 тага, “сариқ хавф” даражаси эълон қилинган провинциялар сони эса 47 тага етди.

Мамлакат жанубида, Пиреней минтақаси ғарбида, Париж ҳудудида ва Пас-де-Ла-Луар провинциясида шамол тезлиги соатига 150 километрга етиши, кучли ёмғир ёғиши мумкин.