Франция НАТО аъзолигидан чиқмоқчи

«Франциянинг АҚШ бошчилигидаги ва унга хизмат қилувчи ҳарбий алянс - НАТО фаолиятида иштирок этиши масаласи ҳар қачонгидан ҳам долзарб бўлиб турибди. Мен Францияни Шимолий Атлантика алянсидан чиқишга чақирувчи резолюцияни кўриб чиқиш учун таклиф киритмоқдаман, бу бирлашган қўмондонликдан бошланади», дейилади сиёсатчининг ижтимоий тармоқдаги постида.

Вице-раис Вашингтоннинг сўнгги геосиёсий ташаббуслари ўзини бунга ундаганини маълум қилди. Хусусан, у АҚШ ҳарбийлари Венесуэла президенти Николас Мадурони ўғирлаб кетгани билан боғлиқ воқеани эслатди.

Шунингдек, у Қўшма Штатларнинг «Фаластиндаги геноцидга кўрсатаётган ҳарбий ёрдами» ва АҚШ президенти Доналд Трампнинг «Гренландияни қуролли аннексия билан таҳдид қилаётганидан» ранжиган.

Аввалроқ, Франция президенти Эммануэл Макрон Вашингтоннинг Трамп бошчилигидаги ташқи сиёсатини қоралади. Макроннинг фикрича, АҚШ иттифоқчилардан узоқлашмоқда ва «қароқчилар маконига» айланиш хавфи остида.