Агентлик манбаларига кўра, ФҚБнинг ички террорчилик операциялари бўлимидан 16 га яқин ходим бошқа ишга ўтказилган. Суҳбатдошлардан бирининг айтишича, раҳбариятда бўлимни бутунлай тарқатиб юбориш масаласи муҳокама қилинган, аммо якуний қарор ҳали эълон қилинмаган.
Бундан ташқари, Reuters танишиб чиққан хизмат хатидан маълум бўлишича, Оқ уй ФҚБнинг терроризмга қарши кураш бўйича тезкор гуруҳларига иммиграция чораларини кўришда ёрдам бериш вазифасини топширган.
Reuters суҳбатдошлари бу ўзгаришлар ФҚБнинг оқ танлилар устунлиги тарафдорлари ва экстремистик гуруҳлардан келаётган таҳдидларни кузатиш қобилиятини пасайтиришидан хавотир билдиришган.
