Кеча бир ой давом этган жаҳон чемпионати ҳам якунига етди. Россия мезбонлик қилган бу галги мундиал ҳар доимгидан-да сюрпризларга бой бўлди. Хорватиянинг финалга қадар етиб келиши, Россиянинг Испанияни доғда қолдириб, чорак финалга йўлланма олиши, умуман, ҳамма-ҳаммаси драматик руҳда кечди.
“Bleacher Report Football” нашри бу галги жаҳон чемпионатининг рамзий терма жамоасини тузди. Қизиғи, бу терма жамоадан на Месси ва на Роналдуга жой топилди. Демак, рамзий терма жамоа билан танишинг:
Тибо Куртуа (Бельгия), Киран Триппьер (Англия), Андреас Гранквист (Швеция), Диего Годин (Уругвай), Люка Эрнандес (Франция), Н'Голо Канте (Франция), Поль Погба (Франция), Лука Модрич (Хорватия),Килиан Мбаппе (Франция), Эден Азар (Бельгия), Ромелу Лукаку (Бельгия).
