“Flydubai” Дубай-Наманган йўналишида мунтазам парвозларни бошлади

Бирлашган Араб Амирликлари авиакомпаниясининг Дубай-Наманган йўналишидаги илк рейси 25 сентябрга ўтар кечаси Наманган халқаро аэропортига келиб қўнган. Boeing 737 ҳаво кемаси йигирмага яқин йўловчини Наманганга олиб келган ва у ердан Дубайга 189 кишини олиб кетган.

Дубай-Наманган йўналишидаги павозлар ҳафтанинг чоршанба ва шанба кунлари, Наманган-Дубай йўналишидаги рейслар эса пайшанба ва якшанба кунлари амалга оширилиши режалаштирилган.

Маълумот ўрнида, бугунги кунда “Flydubai” Тошкент ва Самарқандга мунтазам авиақатновларни амалга ошириб келмоқда.