Апрель ойининг охиридан июнь ойининг бошигача Финляндияда қуруқликдаги кучларнинг маневрлари ўтказилади.
Кейинги «Arrow 24» машқлари 26 апрелдан 14 майга қадар мамлакат жануби-ғарбида бўлиб ўтади. Уларга 2,6 мингга яқин киши, жумладан, Латвия, Эстония ва Буюк Британия ҳарбий хизматчилари жалб қилинади.
14-23 май кунлари ҳаво ҳужумидан мудофаа, 13-25 май кунлари артиллерия ўқув машғулотлари ташкил этилади.
Кейинги, 27-31 май кунлари Repo 24 машқлари Россия чегарасига яқин жойда, Кюменлааксо шаҳрида бўлиб ўтади. Уларда 2,1 мингга яқин киши иштирок этади.
24 апрелдан 7 июнга қадар авиация Финляндия жануби ва шимолидаги қуруқликдаги кучларнинг маневрларида иштирок этади.