Филиппин президенти давлат тепасига келгач наркосотувчиларга қарши аёвсиз кураш бошлаши натижасида минглаб одамлар судсиз ўлдириб юборилган.
Бундан ташқари "оғзи шалоқ" президент христианлик динини, Худони, Европа Иттифоқини, Барак Обамани, Шимолий Корея президенти Ким Чен Инни ҳам "итнинг боласи" деб очиқча ҳақорат қилган. Тўғри, кейинчалик Ким Чен Ин ҳақидаги фикрларини ўзгартириб, уни ўз кумири сифатида мақтаб қўйган.
Коррупцияга қарши аёвсиз кураши ва "коррупционерларни бемалол оёғидан отиб ташланглар, аммо ўлдириб қўйманглар — бундай итнинг болалари сизнинг қамалиб кетишингизга арзимайди" каби кескин фикрлари орқали халқнинг мухаббатига ҳам сазовор бўлган.
Қонунчиликка кўра, хеч ким кетма-кет 2-марта президент бўлиб сайланиши мумкин эмас ва Дутерте "конституцияга зид иш" қилмаслигини таъкидлаб ўтди.
Катта эҳтимол билан, унинг ўрнини ҳозирда Филиппин жанубидаги Давао шаҳри мэри сифатида фаолият олиб бораётган 42 ёшли қизи — Сара Дутерте-Карпио эгаллаши мумкин.
Унинг рақиби — бутун дунёга таниқли боксчи Менни Пакяо ҳозирча ўтказилган барча сўровномаларда Дутерте хонимга мағлуб бўлмоқда.
Эслатиб ўтамиз, агар Родриго Дутерте ҳуқуқий иммунитетни бой бериб, даҳлсизлик ҳуқуқидан маҳрум этилса, унга нисбатан халқаро суд томонидан "инсониятга қарши жиноятларда" айбланиб жиноий жавобгарликка тортилиши мумкин.
Америкалик таниқли боксчи Баҳодир Жалолов ҳақида фикр бирдирди
Россия яна бир ҳарбий можарода иштирок этиши мумкин
ЕЧЛ. Ярим финал. "Бавария" "Реал" билан жанговар дуранг қайд этди
