Фидан: Туркия Украинада зудлик билан ўт очишни тўхтатишга умид қилмоқда

Туркия ташқи ишлар вазири Ҳакан Фидан Анқара Украинада зудлик билан ўт очишни тўхтатиш ва тинчлик ўрнатишга умид қилишини айтди.

Бу ҳақда у Анқарада Бельгия ТИВ раҳбари билан ҳамкорликда ўтказилган матбуот анжуманида маълум қилди.

"Биз зудлик билан ўт очишни тўхтатишни, тинчликни хоҳлаймиз," - дея Туркия ТИВ раҳбари сўзларидан иқтибос келтирди РИА Новости.

Унинг сўзларига кўра, Украинадаги можаро Европа ва бутун дунёни қамраб олган миграция ва иқтисодий инқирозга олиб келди.