Яқинда давлатимиз раҳбари Шавкат Миромонович Мирзиёев математика фанининг аҳамиятига алоҳида тўхталиб ўтди. Ёшларнинг математика фанини ўрганиши жуда муҳим эканлигини таъкидлади.
"Фан" нашриётида ана шу фикрларнинг акс-садоси ўлароқ айнан математика йўналишида қизиқарли, ўзгача йўналишдаги китоб чоп этилди. Ш. Хонқулов муаллифлигидаги ушбу қўлланма умумтаълим мактаблари, академик лицей ва касб-ҳунар коллежи ўқитувчилари ва ўқувчилари, олий ўқув юртларига кирувчи абитуриентлар ҳамда математика фани ўқувчилари учун мўлжалланган. Китобда элементар математиканинг барча бўлимлари бўйича мисол ва масалалар ечишда қўлланиладиган формулалар, муҳим тушунчалар, белгилашлар, қоида ва изоҳлар, кўрсатмалар келтирилган.
