Ўзбекистон миллий терма жамоаси бош мураббийи Фабио Каннаваро январь ойидаги йиғин, унга жалб этилган футболчилар ва кейинги режалар хусусида интервью берди.
"Йиғинда иштирок этаётган футболчиларнинг барчасини кўрганман, уларни яхши биламан. Шунга қарамай, ушбу йиғин орқали уларнинг иммкониятларини яна бир марта синовдан ўтказяпман.
Бу йиғин миллий чемпионатда иштирок этаётган барча ўйинчилар учун ўзига хос сигнал бўлиши керак. Чунки, олдимиздаги бир йил давомида бизни Жаҳон чемпионати ва Осиё кубоги мусобақалари кутиб турибди. Чемпионатдаги барча футболчилар бунга тайёр бўлишлари керак. Терма жамоага номзод футболчиларнинг ҳаммаси кузатув остида эканини билишлари керак.
Барча учрашувларни стадиондан томоша қилишга ҳар доим ҳаракат қиламан. Ўзбекистон U23 терма жамоаси аъзоларини ҳам яхши биламан. Ўйинни телевизор орқали томоша қилишдан кўра стадионда кузатиш ўйинчи ҳақида кўпроқ маълумот олишга имконият беради", — деди Каннаваро ЎФА матбуот хизматига берган интервьюсида.
Россиялик боксчи ва депутат Николай Валуев ҳам Марказий Осиёга таҳдид қилди
"Жангдан сўнг у Марказий Осиё ҳақида бундай бемаза гаплар гапирмайди”
Жиддий йўқотиш: Ўзбекистон терма жамоасининг асосий ҳимоячиси жароҳат сабаб Жаҳон чемпионатини ҳам ўтказиб юборади
