Бир қатор Европа Иттифоқи мамлакатлари, шунингдек, Буюк Британия ва Япония раҳбарлари нефть ва газ иншоотлари каби фуқаролик инфратузилмасига ҳужумларга зудлик билан мораторий эълон қилишга чақирдилар ва Ҳормуз бўғозидан хавфсиз ўтишни таъминлаш бўйича саъй-ҳаракатларни қўллаб-қувватлашга тайёр эканликларини билдирдилар.
Бу ҳақда Буюк Британия Бош вазири девони веб-сайтида чоп этилган қўшма баёнотда айтилган.
"Биз бўғоздан хавфсиз ўтишни таъминлаш бўйича тегишли саъй-ҳаракатларни қўллаб-қувватлашга тайёрлигимизни эълон қиламиз ва тайёргарлик ва режалаштириш билан шуғулланувчи мамлакатларнинг мажбуриятларини олқишлаймиз", дейилади баёнотда.
Германия, Франция, Нидерландия, Италия ва Япония раҳбарлари томонидан ҳам имзоланган баёнотда Эроннинг Форс кўрфазидаги ноҳарбий савдо кемаларига, нефть ва газ иншоотлари каби фуқаролик инфратузилмасига яқинда қилган ҳужумлари ва Эрон кучлари томонидан Ҳормуз бўғозини самарали блокировка қилиш қораланади.
Раҳбарлар Эронни таҳдидлар, мина қўйиш, дрон ва ракета ҳужумлари ҳамда бўғозни тижорат кемалари учун ёпишга қаратилган бошқа уринишларни дарҳол тўхтатишга ва БМТ Хавфсизлик Кенгашининг 2817-резолюциясига риоя қилишга чақирдилар.
"Эроннинг ҳаракатларининг оқибатларини бутун дунё бўйлаб одамлар, айниқса энг заиф мамлакатларда ҳис қилишади", деб таъкидладилар ва "энг кўп зарар кўрган мамлакатларни қўллаб-қувватлаш учун ишлашга" ваъда беришди.
Эрон мусулмон давлатларига чақириқ билан чиқди
Грузияда мотам куни эълон қилинди
Эрондаги вазиятдан Марказий Осиёда энг кўп Тожикистон қийналиши мумкин
