Европа Кенгаши раҳбари Антониу Кошта ва Европа Иттифоқининг ташқи ишлар ва хавфсизлик сиёсати бўйича Олий вакили Кая Каллас 1 декабрь, якшанба куни – янги лавозимлардаги биринчи иш кунида Киевга етиб келди.
Улар Киевда Украина президенти Владимир Зеленский билан учрашишни режалаштирмоқда, деб ёзади дпа. Шунингдек, DW маълумотларига кўра, Украина ҳукумати, парламенти ва фуқаролик жамиятининг бошқа аъзолари билан учрашувлар ўтказилиши кутилмоқда.
«Биз аниқ хабар юбориш учун келдик: биз Украинани қўллаб-қувватлаймиз ва Украинани тўлиқ қўллаб-қувватлашда давом этамиз», деди Кошта. Каллас дпа билан суҳбатда, Американинг Украинани қўллаб-қувватлаши билан боғлиқ ноаниқлик фонида «Европа ўз томонида эканлигини кўрсатиши жуда муҳим»лигини таъкидлади.
Европа Иттифоқи раҳбарияти 2024 йил ёзида бўлиб ўтган Европа парламентига умумевропа сайловларидан сўнг янгиланди. Еврокомиссия раҳбари Урсула фон дер Ляйен ўз ўрнини сақлаб қолди, бу ЕИ тарихидаги биринчи ҳолат бўлди.
Жанубий Корея қирувчилари Россия ва Хитой ҳарбий самолётларига қарши
Полша Украина можаросида Россия ғалаба қозонганини эълон қилди
«Орешник» «жуда ката» зарар етказади
