Европа АҚШнинг Эронга қарши урушига танқид билдирди

Бельгия бош вазири ўринбосари Франк Ванденбрук АҚШнинг Эронга қарши ҳарбий ҳаракатларини кескин танқид қилди.

Унинг таъкидлашича, мазкур уруш “ноқонуний ва ақлдан озганлик” ҳисобланади. Сиёсатчи Европа давлатлари бу можаронинг тезроқ якунланишини исташини билдирган.

Ванденбрук шунингдек, Бельгия бу урушда иштирок этмаслигини очиқ айтди ва ҳозирча ҳарбий ҳаракатларга қўшилиш масаласи кун тартибида эмаслигини қайд этди.

Баёнот халқаро миқёсда АҚШнинг Эронга нисбатан сиёсатига нисбатан танқидлар кучайиб бораётган бир пайтда янгради.