Евро—2024. Сербия Словенияга қарши ўйинда сўнгги дақиқаларда гол уриб, мағлубиятдан қутулиб қолди

Футбол бўйича Европа Чемпионати 2-турида Словения ва Сербия ўзаро баҳс олиб борди.

Учрашувнинг биринчи бўлимида дарвозалар ишғол этилмади.

Иккинчи бўлимда ҳам жамоалар кетма-кет хавфли вазиятларни яратди. 69-дақиқага келиб, ҳисоб очилди. Словения футболчиси Карничник ўз номини таблога ёздириб қўйди.

Ҳакам қўшиб берган дақиқаларда Йович ҳисобни тенглаштирди. Шу тариқа ўйин 1:1 ҳисобидаги дуранг натижа билан якунланди.

C гуруҳининг иккинчи ўйинида Англия Данияга қарши майдонга тушади. Учрашув 21:00 да старт олади.

Евро—2024

2-тур

20 июнь, пайшанба

Словения – Сербия 1:1

Голлар: 1:0 – 69 Карничник, 1:1 – 90+5 Йович.

Словения: Облак, Стоянович (Вербич, 76), Карничник, Дркушич, Биёл, Янжа, Гнезда-Черин, Элшник, Шпорар, Шешко (Випотник, 76), Млакар (Горенс-Станкович, 64).

Сербия: Райкович, Велкович, Миленкович, Павлович, Младенович (Гачинович, 46), Лукич (Милинкович-Савич, 64), Илич, Живкович (Бирманчевич, 82), Тадич (Самарджич, 82), Митрович, Влаҳович (Йович, 64).

Огоҳлантиришлар: Младенович (25), Лукич (54), Янжа (87).