Дания миллий жамоаси яримҳимоячиси Томас Дилейни якунига етган Европа чемпионатининг энг қўпол ўйинчиси деб топилди.
Дортмунднинг «Боруссия» клуби 29 ёшли футболчиси Дания миллий жамоаси сафида 6 ўйинда 15 марта ўйин қоидасини бузган.
Бу борада иккинчи ўринда Жованни Ди Лоренцо қайд этилган. Италиялик ҳимоячи 6 ўйинда 13 марта қоидабузарликка йўл қўйган. Учинчи ўриндан эса англиялик Калвин Филлипс жой олган – 7 ўйинда 12та фол.
Эслатиб ўтамиз, Евро-2020 финал учрашувида Италия миллий жамоаси пенальтилар сериясида Англияни мағлуб этиб, қитъа чемпионлигини қўлга киритди.