Этна вулқони яна фаоллашди.
Вулқон этагида жойлашган Катания халқаро аэропорти парвозлар сонини соатига олтитагача чеклаб қўйди. Вулқон отилишидан ҳосил бўлаётган тутун устуни бир неча километрга чўзилган. Гиарре шаҳри мэри бахтсиз ҳодисаларнинг олдини олиш мақсадида йўлларда транспорт воситалари тезлигини камайтиришга буйруқ берган.
Этна Италия жанубидаги Сицилия оролининг шарқий соҳилида жойлашган бўлиб, Европадаги фаол ва йирик вулқонлардан бири ҳисобланади.