ESPN дунёнинг энг яхши 20 марказий ҳужумчисини аниқлади

ESPN нашри 2025/26 йилги мавсум якунлари бўйича дунёнинг энг кучли марказий ҳужумчилари рейтингини эълон қилди.

Рейтингни шакллантиришда футболчиларнинг мавсум давомида намойиш этган ўйини асосий мезон сифатида олинган. Сўров иштирокчиларига марказий ҳужумчи позициясида энг юқори савияда ҳаракат қилган футболчиларни танлаш вазифаси берилган.

Баҳолаш жараёнида фақат статистик кўрсаткичлар эмас, балки футболчининг бутун мавсум давомидаги барқарорлиги ҳам инобатга олинган. Шунингдек, жароҳат туфайли 2025/26 йилги мавсумнинг катта қисмини ўтказиб юборган, аммо аввалги йилларда юқори даражада ўйнаган ҳужумчилар ҳам рўйхатга киритилган.

2026 йилги жаҳон чемпионатидаги иштирок ҳам ҳисобга олинган, бироқ миллий жамоалар сафидаги ўйинлар якуний рейтингни белгилашда ҳал қилувчи аҳамият касб этмаган. ESPN узоқ давом этадиган миллий чемпионатлардаги барқарорликни қисқа турнирлар, жумладан Чемпионлар лигасидаги алоҳида натижалардан юқорироқ баҳолаган.

Рейтингнинг биринчи поғонасини "Бавария" ва Англия терма жамоаси ҳужумчиси Харри Кейн эгаллади. "Реал" етакчиси Килиан Мбаппе иккинчи, "Манчестер Сити" форварди Эрлинг Холанд эса учинчи ўриндан жой олди.

ESPN талқини бўйича дунёнинг энг яхши 20 марказий ҳужумчиси:

1. Харри Кейн — "Бавария", Англия
2. Килиан Мбаппе — "Реал", Франция
3. Эрлинг Холанд — "Манчестер Сити", Норвегия
4. Усман Дембеле — "ПСЖ", Франция
5. Хулиан Альварес — "Атлетико", Аргентина
6. Лаутаро Мартинес — "Интер", Аргентина
7. Кай Ҳавертц — "Арсенал", Германия
8. Жоао Педро — "Челси", Бразилия
9. Виктор Осимхен — "Галатасарой", Нигерия
10. Юго Экитике — "Ливерпуль", Франция
11. Игор Тиаго — "Брентфорд", Бразилия
12. Олли Уоткинс — "Астон Вилла", Англия
13. Роберт Левандовски — "Чикаго Файр", Польша
14. Криштиану Роналду — "Ал-Наср", Португалия
15. Антуан Гризманн — "Орландо Сити", Франция
16. Маркус Тюрам — "Интер", Франция
17. Дониэлл Мален — "Рома", Нидерландия
18. Микель Оярсабаль — "Реал Сосьедад", Испания
19. Виктор Дьокереш — "Арсенал", Швеция
20. Александр Серлот — "Атлетико", Норвегия

Шу тариқа, ESPN рейтингида Кейн замонавий футболнинг Мбаппе ва Холанд каби энг машҳур ҳужумчиларини ортда қолдирган. Криштиану Роналду эса 14-ўриндан жой олган.