ESPN dunyoning eng yaxshi 20 markaziy hujumchisini aniqladi

ESPN nashri 2025/26 yilgi mavsum yakunlari bo‘yicha dunyoning eng kuchli markaziy hujumchilari reytingini e’lon qildi.

Reytingni shakllantirishda futbolchilarning mavsum davomida namoyish etgan o‘yini asosiy mezon sifatida olingan. So‘rov ishtirokchilariga markaziy hujumchi pozisiyasida eng yuqori saviyada harakat qilgan futbolchilarni tanlash vazifasi berilgan.

Baholash jarayonida faqat statistik ko‘rsatkichlar emas, balki futbolchining butun mavsum davomidagi barqarorligi ham inobatga olingan. Shuningdek, jarohat tufayli 2025/26 yilgi mavsumning katta qismini o‘tkazib yuborgan, ammo avvalgi yillarda yuqori darajada o‘ynagan hujumchilar ham ro‘yxatga kiritilgan.

2026 yilgi jahon chempionatidagi ishtirok ham hisobga olingan, biroq milliy jamoalar safidagi o‘yinlar yakuniy reytingni belgilashda hal qiluvchi ahamiyat kasb etmagan. ESPN uzoq davom etadigan milliy chempionatlardagi barqarorlikni qisqa turnirlar, jumladan Chempionlar ligasidagi alohida natijalardan yuqoriroq baholagan.

Reytingning birinchi pog‘onasini "Bavariya" va Angliya terma jamoasi hujumchisi Xarri Keyn egalladi. "Real" yetakchisi Kilian Mbappe ikkinchi, "Manchester Siti" forvardi Erling Xoland esa uchinchi o‘rindan joy oldi.

ESPN talqini bo‘yicha dunyoning eng yaxshi 20 markaziy hujumchisi:

1. Xarri Keyn — "Bavariya", Angliya
2. Kilian Mbappe — "Real", Fransiya
3. Erling Xoland — "Manchester Siti", Norvegiya
4. Usman Dembele — "PSJ", Fransiya
5. Xulian Alvares — "Atletiko", Argentina
6. Lautaro Martines — "Inter", Argentina
7. Kay Haverts — "Arsenal", Germaniya
8. Joao Pedro — "Chelsi", Braziliya
9. Viktor Osimxen — "Galatasaroy", Nigeriya
10. Yugo Ekitike — "Liverpul", Fransiya
11. Igor Tiago — "Brentford", Braziliya
12. Olli Uotkins — "Aston Villa", Angliya
13. Robert Levandovski — "Chikago Fayr", Polsha
14. Krishtianu Ronaldu — "Al-Nasr", Portugaliya
15. Antuan Grizmann — "Orlando Siti", Fransiya
16. Markus Tyuram — "Inter", Fransiya
17. Doniell Malen — "Roma", Niderlandiya
18. Mikel Oyarsabal — "Real Sosyedad", Ispaniya
19. Viktor Dyokeresh — "Arsenal", Shvesiya
20. Aleksandr Serlot — "Atletiko", Norvegiya

Shu tariqa, ESPN reytingida Keyn zamonaviy futbolning Mbappe va Xoland kabi eng mashhur hujumchilarini ortda qoldirgan. Krishtianu Ronaldu esa 14-o‘rindan joy olgan.