Лондонда эронлик журналист ва телебошловчи Пурия Зераати ҳужумга учради, деб ёзади The Telegraph.
Материалда айтилишича, Зераати 29 март куни тушдан кейин уйидан чиқиб кетаётганда икки киши томонидан ҳужумга учраган. У пичоқланган.
Аниқлик киритилишича, журналист зудлик билан шифохонага етказилган, унинг аҳволи барқарор деб баҳоланмоқда.
Ҳозирда тергов ҳаракатлари олиб борилмоқда.
Ҳужум сабаблари ҳозирча номаълум.