Эрон янги ҳужумлар тўлқинини бошлади

IRIB ахборот агентлиги хабар беришича, Эрон ракета ҳужумларининг янги тўлқинини бошлади.

Хабарда айтилишича, «Эрондан янги ракета тўлқини учирилди».

Бироқ агентлик янги ҳужумлар қайси аниқ объектларга қаратилганини маълум қилмади.

Аввалроқ Исроил мудофаа кучлари (IDF) Эронга қарши ҳужумларнинг кейинги босқичини бошлаб, баллистик ракета шахталарини нишонга олганини билдирган эди.

5 март куни Эрон Қатар пойтахти Доҳа шаҳридаги АҚШ ҳарбий базасига ҳам ҳужум қилгани хабар қилинган.