Теҳрон урушни тугатиш шартларини Қатар воситачилари орқали Вашингтонга етказди ва АҚШ президенти Дональд Трампдан жавоб кутмоқда.
Эрон Олий Миллий Хавфсизлик Кенгаши котиби Моҳсен Ризоий бу ҳақда Al Jazeera телеканалига берган интервьюсида маълум қилди.
"Биз Қатар воситачиси билан алоқадамиз, у урушни тугатиш шартларини Вашингтонга етказди ва биз Президент Трампдан жавоб кутмоқдамиз", деди у.
Ризоийнинг сўзларига кўра, Эроннинг шартлари урушни барча жабҳаларда тугатиш, музлатилган Эрон активларини озод қилиш ва денгиз блокадасини бекор қилишни ўз ичига олади.
У шунингдек, АҚШ ва Исроилнинг ҳаракатлари Эронни Ядровий қуролни тарқатмаслик тўғрисидаги шартномадан чиқишга ундаши мумкинлигини айтди. Ризоий Эрон марҳум Олий Раҳбар Али Хоманаийнинг ядровий қуролга қарши диний фармонига содиқ қолишини ва ядровий доктринасини ўзгартирмаганлигини таъкидлади, аммо якуний қарор Вашингтоннинг келажакдаги ҳаракатларига боғлиқ бўлади.
Муҳожирлар кетмоқда — Москва эса қайтишга чақирмоқда
Бошланғич синф қизлари учун ҳижобни тақишни тақиқлаш таклиф қилинмоқда
Сурхондарёда 3700 йиллик қабрлар ўрганилмоқда
