Эроннинг Теҳрон вилоятида 23 июль, чоршанба куни ҳаддан ташқари иссиқлик туфайли сув ва электр энергиясини тежаш зарурати туфайли дам олиш куни деб эълон қилинди.
Бу ҳақда ҳукуматнинг расмий вакили Фотиме Мохажерани Х ижтимоий тармоғида маълум қилган.
"Ҳукумат қарори билан давом этаётган ҳаддан ташқари жазирама ҳамда сув ва электр энергиясини тежаш зарурати туфайли 23 июл, чоршанба Теҳрон вилоятида дам олиш куни деб эълон қилинди. Бу дам олиш, қисқа саёҳат қилиш ёки оила аъзолари билан вақт ўтказиш, албатта, хавфсизлик чораларига риоя қилиш ва электр энергиясини тежаш имконини беради", деб ёзади у.
AccuWeather портали маълумотларига кўра, душанба ва сешанба кунлари Эрон пойтахти, худди шу номдаги провинцияда жойлашган Теҳронда ҳаво 41 даражагача, чоршанба куни эса 39 даражагача исийди. Синоптикларнинг прогнозларига кўра, ҳафта охиригача ҳаво ҳарорати кундузи 40 даража атрофида бўлади.
Мамлакат шимоли-шарқидаги иккинчи аҳоли зич жойлашган Машҳад шаҳрида ҳаво ҳарорати душанба куни 36 даража, сешанба ва чоршанба кунлари эса 38 даражагача иссиқ бўлиши прогноз қилинмоқда.
Ҳиндистон ўз талабаларига Ўзбекистондаги университетда ўқишни тақиқлади
Исроил Туркиянинг қароридан безовта бўлмоқда
Ер тезроқ айлана бошлади – тадқиқот
