Эрон шимол ва жанубда иккита атом электр стансиясини қуриш учун майдонларни тайёрлади

Эрон мамлакат шимоли ва жанубида иккита атом электр стансияси (АЕС) қуриш учун майдонларни тайёрлади.

Бу ҳақда Эрон Атом энергияси ташкилоти раҳбари Муҳаммад Эсломий маълум қилди.

“Еттинчи дастур (беш йиллик, 2024-йил март – 2029-йил март) якунига қадар Эроннинг атом энергетика қуввати 3000 мегаваттга етади ва мамлакат жанубида ва шимолида иккита электр стансиясини қуриш учун ҳудудлар тайёрланди”, — деди у.

Айни пайтда Эронда фақат Бушер шаҳрида Россия ёрдами билан қурилган битта атом электр стансияси ишламоқда. Атом электр стансиясининг биринчи блоки Эрон миллий энергетика тизимига 2011-йил сентябрида уланган эди.