Эрон Исроилни «жаҳаннам» жавоби билан таҳдид қилиб, «тобутларга буюртма беришни» тавсия қилмоқда

Исроил Эроннинг яқинда яҳудий давлатига уюштирган ракета ҳужумига жавоб беришга қарор қилса, Эрондан «жаҳаннам» жавобини олади, деди Эрон парламентининг миллий хавфсизлик ва ташқи сиёсат комиссияси раиси Иброҳим Азизий.

«Агар сионистик режим яна хато қилмоқчи бўлса, бирор қадам қўйишдан олдин унга тобутга бўлган эҳтиёжини иттифоқчилари ҳисобига таъминлашни маслаҳат берамиз. Эроннинг миллий хавфсизлигига қарши ҳар қандай ҳаракат жаҳаннам ва аламли жавоб олади.
Агар сионистик режим Эрон хавфсизлигига зарар етказмоқчи бўлса, биз уни ҳеч қаерда, ҳатто ўзи яширинган сичқонча тешикларида ҳам ўзини хавфсиз ҳис қила олмаслигига ишонч ҳосил қиламиз», деди Азизий Эроннинг Монибан ахборот порталига берган изоҳида.

Эроннинг Москвадаги элчиси Казем Жалолий Исроил фақат куч тилини тушунади, бу режим тўхтатилиши керак, деди.

«Эрон Исроил режимининг бузғунчи хатти-ҳаракатларининг оқибатларсиз қолишига йўл қўймаслиги табиий. Бу режимни қачондир тўхтатиш керак», — деди у. - «Исроил фақат куч тилини тушуниши ва ҳеч қандай қоидага амал қилмаслиги асосида янги тенглама шакллантирилди. Бундай шароитда сионистик режимнинг Яқин Шарқ минтақасида мавжудлиги минтақа давлатлари, жумладан, Эрон Ислом Республикаси учун ҳам ўзига таянишдан бошқа йўл қолмаган хавфли вазиятни юзага келтирди».