Эрон инқилобга яқинлашмоқдами?

Bloomberg маълумотларига кўра, Эрон глобал сиёсат ва энергетика бозорларини ўзгартириши мумкин бўлган инқилобга яқинлашмоқда.

Агентлик маълумотларига кўра, Олий Раҳбар Али Хоменеи режими 1979-йилги инқилобдан бери энг заиф аҳволда қолган. Марказий разведка бошқармасининг собиқ таҳлилчиси Уилям Ашер Bloombergга иқтисодиёт инқирознинг асосий омили эканлигини ва режимнинг назоратни сақлаб қолиш қобилияти тез суръатлар билан пасайиб бораётганини айтди. У вазиятни "Эрон учун ўн йилликлардаги энг муҳим лаҳза" деб атади.

Агентлик шунингдек, Хоменеи режимининг қулаши Сурияда Ассад режимининг қулаши ва Мадурони қўлга олиш операциясидан кейин аллақачон иттифоқчиларини йўқотган Путин учун жиддий зарба бўлишини таъкидлайди. Шу билан бирга, таҳлилчилар АҚШ ёки Исроил ҳарбий аралашуви Эрон ҳукуматини заифлаштириш ўрнига вақтинча кучайтириши мумкинлиги ҳақида огоҳлантирмоқда.