Эрон фуқароларига ичимлик сувини захиралашни маслаҳат берди

Эрон ҳукумати қурғоқчилик сабаб мамлакат фуқароларига ичимлик суви захиралаб қўйишни тавсия қилди, деб хабар бермоқда BBC.

Эрон президенти Масъуд Пизишкиённинг сўзларига кўра, агар яқин орада ёмғир ёғмаса, Теҳронда сув таъминотини чеклашга тўғри келади, бироқ бу чора ҳам фалокатнинг олдини олиш учун етарли бўлмаслиги мумкин.

Метеорологларнинг маълум қилишича, яқин 10 кун ичида Эронда ёғингарчилик кутилмаяпти, бу эса сув танқислигини янада кучайтириши мумкин.

Аввалроқ, Эрон президенти сув инқирози янада кучайган тақдирда Теҳрон эвакуация қилиниши мумкинлигини айтган эди.