АҚШ Президенти Дональд Трамп, агар Россия етакчиси Владимир Путин Украина бўйича тинчлик музокаралари доирасида Туркияга келса, у ҳам учрашув учун Туркияга келишга тайёр эканини маълум қилган. Бу ҳақда Туркия Президенти Режеп Таййип Эрдўғон хабар берди.
“Report” ахборот агентлиги “Anadolu” агентлигига таяниб маълум қилишича, Эрдўғон бу ҳақда Гаага шаҳрида ўтказилган НАТО саммитидан қайтиб келганидан сўнг, журналистларга маълум қилган.
"Якуний мақсадимиз – мамлакатимизда етакчилар даражасида учрашув ташкил этиб, узоқ кутилган тинчликка эришишдир. Бу масалада мен Гаагадаги учрашувимиз пайтида АҚШ Президенти жаноб Трампни ҳам хабардор қилдим. Унинг сўзларига кўра, агар Россия Президенти Владимир Путин келишув учун Истанбул ёки Анқарага келса, у ҳам Истанбул ёки Анқарага келишга тайёр. Биз керакли алоқаларни ўрнатамиз ва имкони борича тезроқ учрашувни амалга оширамиз", — деди Эрдўғон.
Исроил Эрон билан уруш тугаганини расман эълон қилди
Эрон бутун Исроил бўйлаб зарбалар берди — Ислом инқилоби қўриқчилари корпуси
Эрон Исроилни мағлубиятга учратганини маълум қилди
