Туркия президенти Ражаб Тоййиб Эрдўған Туркия Сурия ва Ироқ билан чегарадаги ҳарбий амалиётларини якунламаганини айтди.
Бу ҳақда у TVnet'га берган интервьюсида айтиб ўтди.
“Бизнинг трансчегаравий операцияларимиз тугамади”, деди Туркия президенти. Унинг сўзларини РИА Новости келтирмоқда.
Унинг сўзларига кўра, Анқара фақат керакли дақиқани кутмоқда.
Апрел ойи охирида Эрдўған Туркия разведкаси томонидан Сурияда тақиқланган “Ислом давлати” террорчилик ташкилоти етакчиси Абу ал-Ҳусайн ал-Курайиши йўқ қилинганини эълон қилди.